SDHK-nr: 8138

Vniuersis presentes litteras inspecturis Nicolaus Thuresson miles salutem in domino sempiternam Tenorepresencium nouerint vniuersi me bona mea dicta Kokeyerwe in Karelia . parochia Æghrapæ . cum omnibus et singulis . eorum limitibus et pertinenciis . prout magnificus princeps . dominus Magnus Swecie rex . ea olim de Lydero Swynakulæ . empcionis titulo . acquisiuit . et subsequenter . discreto viro Hænichino Vædusæ . legittime contulit et donauit . per me postmodum . ab eodem Hænichino eciam empcionis titulo . legittime conquisita . ecclesie Vexionensi pro mensa episcopali . cum omni tam proprietatis iure quam possessionis . legittime et ex certa sciencia contulisse . Ea tamen adhibita condicione . quod si quandoque . in partibus Karelie videlicet prefectura Viburgensi erigi contigerit ecclesiam Cathedralem . extunc ad episcopum illius loci et suam mensam prefata bona Kokeyerwe cum omnibus et singulis suis pertinenciis perpetuo deuoluantur . Sic tamen . quod episcopus illius ecclesie Vexionensi episcopo . qui pro tempore fuerit . in quatuor tymbriis variarum pellium annis singulis teneatur . donec ipse uel ego . eidem Vexionensi episcopo et suo(a) mense alibi in redditibus et valore quatuor tymbriarum pellium prouiderit annuatim Datum Kalmarnie anno domini Millesimo CCC° lxsecundo jn die beati Johannis baptiste Jn cuius donacionis robur et euidenciam firmiorem sigillum meum presentibus est appensum .